3 нче Украина фронты гаскәрләре, һөҗүмгә күчеп, Драва елгасыннан төньяктарак Дунайны кичеп, Дунайның көнбатыш ярында дошман оборонасын өзәләр һәм 40 километрга кадәр тирәнлеккә үтеп, фронт буйлап 150 километрга кадәр алга китәләр.
Һөҗүм барышында фронт гаскәрләре Венгрия территориясендәге шәһәрләрне һәм зур коммуникацияләр узелларын -Печ, Ватажек, Мохачны алалар һәм 330 дан артык башка торак пунктларны алалар.
Җиңүне билгеләп үтү йөзеннән, Дунайны кичкәндә һәм дошман оборонасын өзгәндә аеруча аерылып торган берләшмәләр һәм частьләр "Дунайских" исемен бирүгә һәм орденнар белән бүләкләүгә тәкъдим ителә.
Бүләкләнүчеләр арасында безнең авылдашыбыз, Беренчемай районының (Әлмәт районы) Түбән Абдул авылында туып үскән гвардия кече сержанты Хөббәт улы Мөхит Абдуллин да бар иде. Х.Әхмәтшин исемендәге Елхово авылы тарихы музее фондларында аның фотосүрәте, документлары бүгенге көнгә кадәр саклана.
Төзеде : Х.Әхмәтшин исемендәге Елховой авылы тарихы музее
