Корпункт:
Әлмәтнең "Татнефть-Поиск" һәм Казанның "Разведка" эзләү отряды Мурманск өлкәсенә юл тотты. Анда алар 1942 елның 26 апрелендә һәлакәткә очраган Пе-3 Совет самолеты төшкән урында эшләячәкләр.
Узган җәйдә мондый экспедиция үткәрелгән иде инде. Ул чагында экипаж әгъзалары калдыкларын һәм самолетның кайбер фрагментларын тапканнар. Бу юлы эзләүчеләр җимерелгән бомбардировщикның җитмәгән өлешләрен табарга ниятли. Экспедициянең уңышы Совет очучыларының һәлак булу детальләрен торгызырга һәм Бөек Ватан сугышы геройлары турындагы истәлекне мәңгеләштерергә мөмкинлек бирәчәк.
