3 февраль көнне Елховой авыл тарихы музеенда "Сталинград батырлыгын искә алыйк" исеме астында батырлык дәресе үткәрелде. Бу дәрес Сталинград сугышына 80 ел тулу уңаеннан - Бөек Ватан сугышында җиңүгә илтүче иң зур сугышларның берсе булуы турында иде.
Елховой урта мәктәбе укучыларына Совет Армиясенең Волгада гитлер армиясен тар-мар итәр өчен төзелгән хәрби планнары һәм ул планның ничек оста итеп тормышка ашырылуы,Совет Армисе сугышчыларының күрсәткән батырлыклары,түземлекләре һәм Сталинград сугышының илебез җиңүенә китерүче иң беренче җиңү булсын өчен, бөтен көчләрен куеп тырышулары турында сөйләнде.
Әлеге сугышита Фашистлар Сталинград сугышында 1,5 миллион хәрбиен югалтса, Совет Армиясенең бер миллионга якын солдаты һәм гражданы һәлак була. Бу сугышларда йөз меңнәрчә татарстанлы да катнаша.Шул исәптән безнең авылдашларыбыз
1. Абдуллин Мухибулла Хуббатулович
2. Минхаеров Сабир Минхаерович
3. Минхаеров Гусман Зиятдинович
Сталинград очен барган сугышта катнашып үзләренең батырлыкларын күрсәтәләр.. Бу чара, кан койгыч сугышларда Бөек Ватан өчен корбан булучы батырларны бер минутлык тынлык белән искә алу белән тәмамланды.
Төзеде:Х.Әхмәтшин исемендәге Елховой авылы тарихы музее хезмәткәре.
