Корпункт:
Сугыш чоры баласы мин,
Ятимлектә мин үстем.
Әткәм сугышта вакытта
Әнкәм карнында калдым.
Апам белән бергәләп,
Ятим балалар булдык.
Әткәм йөзен күрмәдем мин.
Әнкәй ялгыз үстерде.
Кырык беренче елның
Ямьле язында тудым.
Тол хатын баласы булып
Шушы авылда үстем.
Сугыш чоры балалары,
Бик күп идек авылда.
Сугыш дигән зур афәт
Ятим итте бит безне.
Ата назы күрмичә
Гомер буе яшәдем.
Әткәй сүзе әйтә алмый,
Җитмеш яшемә җиттем.
Сугыш чоры баласы мин,
Фашистка мин рәнҗимен.
Нигә тыныч илне бозып
Безне ятим иттерден?!
Әтнә районы Яңа Шашы мәктәбе укучысы Азат Фәйзуллин.
