Шарафутдинов Әгләметдин Имаметдин улы 1928 елның 24 декабрендә колхозчы гаиләсендә туа. Елховой авылында гомер итә 4 класс белем алгач «Путь комунизму » колхозында эшли.
1947 елда армия сафларына да хезмәт итә. 1951 елдан нефтьчеләр оешмасында эшли. 1955 елдан кабаттан колхозга әйләнеп кайта. Шуннан лаеклы ялга китә.
Бүгенгесе көндә Елховой авылында тормыш итә. Без Әгләментдин абыйга хәл белергә барганда ул намаз укый иде. Өйгә кереп медальләр, альбомнар карый-карый сугыш чоры турында сөйләшеп утырдык. Минкәмәл апа белән бергә дүрт бала тәрбияләп үстерәләр. «Сугыш чорының бөтен авырлыкларын татыдык, ләкин сынмадык, сынатмадык. Сез, балалар, бүгенге тыныч тормышның кадерен белеп яшәгез, яхшы укыгыз, эштән курыкмагыз. Тыныч тормышта эшләү берни түгел ул, сугышлар гына чыкмасын», – ди Әгләметдин абый.
Чынлап та, тыныч тормышның да тыл хезмәткәрләренең дә кадерен белергә тиеш без. Аларның сөйләгәннәре безгә гыйбрәт тә, үрнәк тә булып кала.
Елховой авыл мәдәният йорты
