Курск сугышы әлегә кадәр Икенче бөтендөнья сугышының иң зур сугышларының берсе санала. Ике яктан да аңа дүрт миллионнан артык кеше җәлеп ителгән (чагыштыру өчен: Сталинград сугышы барышында сугыш хәрәкәтләренең төрле этапларында 2,1 миллионнан артык кеше катнашкан). Кызыл армиянең Генераль штабы мәгълүматларына караганда, 12 июльдән 23 августка кадәр булган һөҗүм барышында гына да немецларның 35 дивизиясе, шул исәптән 22 пехота, 11 танк һәм ике моторлаштырылган дивизия тар-мар ителгән. Калган 42 дивизия авыр югалтулар кичерә һәм шактый дәрәҗәдә сугышчан сәләтләрен югалта. Курск янындагы сугышта немец командованиесе ул вакытта совет-герман фронтында булган 26 дивизиянең 20 танк һәм моторлаштырылган дивизиясен файдаланган. Курсктан соң аларның 13е тулысынча тар-мар ителгән булып чыга.
Төзеде: Х.Әхмәтшин исемендәге Елховой авылы тарихы музее
