Корпункт:
22 июньдә Бөек Ватан сугышы башлануга 75 ел тула. Шушы уңайдан Шәмәрдән балалар китапханәсендә “Радуга” мәктәп яны лагеренда ял итүче балалар өчен “Зур сугышкың кечкенә батырлары” - батырлык сәгате үткәрелде. Китапханә мөдире Гатиятова Н. балаларга сугыш китергән бәхетсезлекләр турында сөйләде, “Герой – пионерлар” открыткалар комплектына күзәтү үткәрде, Шәмәрдәннең сугыш чоры балаларыннан язып алынган истәлекләрдән өзекләр укыды. Балалар да сугыш чорының авырлыкларын үз җилкәләрендә күтәргән әби-бабайлары турындагы хәтирәләре белән уртаклаштылар. Сугышлар кабат булмасын, киләчәк буын тынычлыкта яшәсен.
