Мөбәрәков Мөҗәһит 1917 елда туган, армиягә киткәнче колхозда тракторчы булып эшли. 1940 елда кызыл Армия сафларына алына. Ушин шәһәрендә хезмәт итә. Аннан Мессериягә китә, Киевка кайта. Сугыш чорында 361 нче артиллерия полкында хезмәт итә. “Көненә 122 шәр кг пушка тартып йөрергә туры килә иде. Иң кыены 1945 елда чолганышта калу булды. 5 нче майда гына бу кыен хәлдән котылдык, “ – дип искә алган Мөҗәһит абзый. Авылга 1946 елның 28 маенда кайта. Тракторчы булып эшләп лаеклы ялга чыга.