Нәҗметдинов Зәйнак Нәҗметдин улы 1905 елның 29 мартында Сарман районы Татар Карамалысы авылында туган. 1927-1929 елларда хәрби хезмәттә. Сугышка кадәр Карамалы авыл советы, “Мәдәният” колхозы рәисе булып эшли. 1940 елда ТАССР Югары Советы президиумы грамотосы белән бүләкләнә. 1941 елның 23 июнендә, мобилизациянең беренче көнендә үк сугышка китә һәм 1945 елның октябрендә генә кайта. II, III дәрәҗә Дан орденнары белән бүләкләнә. Сугыштан соң Карамалы авыл советы, “Мәдәният” колхозы рәисләре, склад мөдире, сельпо рәисе урынбасары, завхоз, төзүчеләр бригадиры булып эшли. 2000 елның 2 декабрендә вафат.