Танай-Турай авылында гомер итүче Сания әби Вафина олуг бәйрәмен – 90 яшьлек юбилеен каршылады. Тормыш иптәше Нурлыислам бабай белән илгә-көнгә лаек 7 бала тәрбияләп үстергән алар. Сания әби бүген төп нигездә улы Илсур, килене Гүзәл тәрбиясендә бәхетле картлык кичерә. Балалары, кияү-киленнәре, 15 оныгы, 15 оныкчыгы өчен иң кадерле кеше ул. Юбилее уңаеннан район башлыгы урынбасары Марат Нуриев Сания әбигә Рәсәй Президентының Рәхмәт хатын, район башлыгы исеменнән чәчәк бәйләме һәм истәлекле бүләк тапшырды. Авыл җирлеге башлыгы Илгиз Мифтахов та күчтәнәчләре белән сөендерде.
Прикреплённые изображения:
