Апастовский

Морзалар авылында яшәүче Фәһим ага Камалиев 90 яшьлек олы гомер бәйрәмен каршылады. Аңа Ил башлыгының Рәхмәт хаты, район башлыгының Котлау открыткасы, бүләк, чәчәк бәйләмнәре тапшырылды. Район башкарма комитетының социаль мәсьәләләр буенча урынбасары Гөлүсә Галләмова, Шәмбалыкчы авыл җирлеге башлыгы Физзәт Миңнуллин иң изге теләкләрен җиткерде.

Өлкәннәр көне уңаеннан район башлыгы Айрат Җиһаншин Бөек Ватан сугышы ветераны Хәйретдин Сәлахов янында булды.

Шәмбалыкчы авылында яшәүче, Бөек Ватан сугышы һәм хезмәт ветераны, әле җәй көне генә 99 яшьлеген каршылаган, гомерен яшь буынга белем һәм тәрбия бирүгә багышлаган, Фәхри Насретдинов һәм Бану Вәлиева музеен җитәкләгән аксакал, Татарстанның Атказанган укытучысы, РСФСР мәгариф отличнигы Зиннәт ага Хәйруллин өлкәннәр көне уңаеннан район җитәкчелегенең котлауларын һәм күчтәнәчләрен кабул итте.Район башкарма комитеты җитәкчесе урынбасары Гөлүсә Галләмова һәм Шәмбалыкчы авыл җирлеге башлыгы Физзәт Миңнуллин янәшәсендә кабат ерактагы яшьлеген, шанлы һәм данлы хезмәт елларын искә алды.

Әҗем авылында матур традиция яши. Әҗемлеләр ел саен Бөек Җиңү көне алдыннан ветераннар хөрмәтенә утыртылган бакчада өмә оештыра. Быел да алар бакчаны чистартты, чүп-чарлардан арындырды. Узган ел әлеге бакчага исемле агачлар утыртканнар иде. Өмәдә авылдан читтә яшәүче әҗемлеләр дә катнашты. Әҗемлеләр әнә шулай райондашларга матур үрнәк күрсәтә.

Әлеге чарада балачаклары сугыш чорына туры килгән апалар катнашты. Кичә “Георгий тасмасы» акциясенә кушылу белән башланып китте. Очрашу әңгәмә рәвешендә барды. Кичәнең кунаклары авырлыкларны, югалтуларны берәм-берәм искә алды. Стенага эленгән стендтан якыннарын эзләделәр, сугыш ветераннарын барладылар, искә алдыдар. Апалар күңелләре белән балачакларына кайтып, күп истәлекләрне барлады. Кайбер вакыйгаларны елый-елый сөйләделәр. Сөйләшү чәй табыны артында дәвам итте. Әлеге кичә китапханә белән берлектә оештырылды.

Биредә Апас командалары көч сынашты. Бөек Җиңү көне уңаеннан районда спорт чаралары узды. “Алтын алка” боз сараенда Апасның хоккейчы егетләре үзара көч сынашты. “Алтын алка” һәм “Т-34” командалары Кубок өчен көрәште. Нәтиҗәдә 6:5 исәбенә “Т-34” командасы җиңү яулады.

Чарада Татарстан Президенты Рөстәм Миңнеханов, ТР Дәүләт Киңәшчесе Минтимер Шәймиев, ТР Премьер-министры Алексей Песошин, Казан мэры Илсур Метшин катнашты. Хөрмәтле кунаклар – Бөек Ватан сугышы ветераннары катнашты. Безнен район делегециясе дә бирегә чакырылган иде. Район башлыгы Айрат Җиһаншин, хәрби комиссар Наиль Зантимиров, район социаль яклау идарәсе җитәкчесе Зөлфия Гайнуллина, хәрби хәрәкәт ветераннары Фәнис Зәйнуллин, Ильнар Халиуллин, тыл хезмәтчәннәре Галия Гыйззәтуллина, Мәхрүзә Гаязова катнашты.

Район башлыгы Айрат Җиһаншин һәм Россия Федерациясе Дәүләт Думасы депутаты Максим Топилин Бөек Ватан сугышы ветераны Зиннәт Хайруллин янында булды. “Безнең ил җиңү яулаганы безгә 9 май көнне мәгълүм булды. Шулай итеп, беренче бәйрәмне Көнчыгыш Пруссиядә үткәрдек. Солдатлар да, офицерлар да, генераллар да бер авылга җыелып Балтыйк диңгезе буенда бәйрәм иттек” – дип, сөйләп китте безгә Ватан сугышы ветераны Зиннәт Хайруллин.

Россия Федерациясе Дәүләт Думасы депутаты Максим Топилин һәм район башлыгы Айрат Җиһаншин Үтәмеш авылында гомер итүче Бөек Ватан сугышы ветераны Хәйретдин Сәлахов янында булып кайтты. “Мондый рәхәт тормыш безгә зур кыенлыклар аша килде. Без үзебезнең оныкларыбызның, оныкчыкларыбызның хәерле, якты киләчәге өчен тырыштык. Менә, бугенге көндә үзем дә бик матур итеп, хөрмәт тоеп яшим. Барыгызга да олы рәхмәтемне белдерәм!” – диде, Хәйретдин ага Сәлахов.

Районыбыз быел да бәйрәмне зурлап, киң колачлы итеп билгеләп үтте.