Дрожжановский

Әниләренең юбилее төп нигезгә янә туплады Гафуровларны. Иске Ишле авылында гомер кичергән һәм 100 яшенә җиткән Мөзәйҗинә апаны юбилее белән котларга район башлыгы Александр Шадриков та килгән иде. Ил язмышындагы өлкән буынның ролен ассызыклап, аларның ныклыгы, хезмәте өчен рәхмәт әйтеп, ул юбилярга Россия Президенты Владимир Путинның, Татарстан Дәүләт Советы рәисе Фәрит Мөхәммәтшинның котлау телеграммаларын һәм район хакимиятеннән бүләк тапшырды.

Сугыш, сугыш... кемнәрнең язмышына кагылмаган да, кемнәрнең башларына кайгы, күз яше, хәсрәт китермәгән ул. Бөек Ватан сугышы тәмамланганга 70 ел вакыт үтсә дә, аның хәтирәләре күңелләргә тирән сеңеп калган.

Райондагы «Благодарение» иҗтимагый җирле фонды тарафыннан Бөек Җиңүнең 70 еллыгы кысаларында чаралар уздыру өчен ирекле матди ярдәм җыю буенча sms-акция үткәрелә.

Бөек Җиңүнең 70 еллыгы кысаларында район үзәк китапханәсендә “Җирдә тынычлык бәрабәренә” республика конкурсы үткәрелә.

Сугыш беткәнгә дә 70ел узып бара, әмма аның дәһшәте-көл булган шәһәр, авыллар өстендә, яу кырыннан кайтмый калган ир-егетләр, әби-бабайлар каберлегендә. Аның сары сагышы әтисезләр йөзендә. Алар сугыш дигән ачы хәсрәтнең фаҗигасен туганнан ук тоеп, үз күзләре белән күреп, ачлык-ялангачлыкның ни икәнен татып үскән. Алар утлы елларда туган балалар, шуңа күрә сабыр, нык алар.

Россиядә Бөек Җиңүгә 70 ел тулуга багышланган рәсми сайт һәм "Җиңүгә Дан!" ("Ура Победе!") Бөтенроссия акциясенең мобиль кушымтасы эшли башлады. Әлеге сайтка кереп, Бөек Ватан сугышы чорына кагылышлы фото һәм видеоархив белән танышырга була. Анда сугыш темасына җыр һәм фильмнар да урнаштырылган. 9 май — Бөек Җиңү көнендә илнең төрле шәһәрләрендә үтүче 14 хәрби парад трансляциясен дә карап булачак.

Быел илебез халкы Бөек Җиңүнең 70 еллыгын билгеләп үтәргә җыена. 70еллап вакыт үтсә дә, сугыш китергән афәтләр кешелек хәтереннән мәңгечыкмас.

Иске Чокалы урта белем бирү мәктәбендә республиканың “Кадрлар резервы” кысаларында Бөек Ватан сугышында Җиңүнең 70 еллыгына багышланган “Әлеге бөек елларга баш иик” дип исемләнгән социаль акция узды.

Бөек Җиңүнең 70 еллыгын каршылау уңаеннан безнең мәктәптә төрле чаралар үткәрелә. Шул уңайдан, бүген без мәктәп укучылары белән берлектә, Яңа Чүпрәле авылында яшәүче Халиуллина Әминә әбидә кунакта булдык. Ул бүгенгесе көндә олы кызы белән кияве тәрбиясендә яши. Алар безгә Әминә әбинең сугыш вакытларындагы авыр тормышы, 29 яшендә тол калуын һәм үзләренең авыр балачаклары турында күп вакыйгалар сөйләделәр. Укучылар бик кызыксынып тыңладылар. Әминә әбинең бүген туган көне дә икән. Аңа - 103 яшь! Чын күңелдән аны туган көне белән котлыйбыз!