Корпункт:
Район мәдәният йортында 23 февраль - Ватанны саклаучылар көне уңаеннан концерт узды. Биредә сугыш ветераннары хөрмәтләнде, ир-егетләребез хөрмәтенә иң матур изге теләкләр яңгырады. Сәхнә түрендәге җыр-моңнар да бары тик алар хөрмәтенә иде. Сугыш ветераннарына район башлыгы исеменнән күчтәнәчләр тапшырылды. Район башлыгы урынбасары Марат Нуриев, район хәрби комиссары Илшат Паймурзин үз чыгышларында ир-атларның һәрчак терәк булып торуын, тормышыбызның тоткасы булуын билгеләп үттеләр.
