Корпункт:
Әҗем авылында яшәп иҗат иткән җирле шагыйребез, Бөек Ватан сугышы һәм хезмәт ветераны Габбас Хафизовка, әгәр исән булса 90 яшь тулган булыр иде. Биш китап авторы, эчтәлекле, мәгънәле шигырьләре белән укучылар күңеленә кереп калган шагыйрь онытылмый. Аны хөрмәтләп, 27 июньдә Апас туган якны өйрәнү музеенда “Габбас Хафизов иҗатына бер караш“ дип исемләнгән кичә булды. Кичәдә Г.Хафизовның балалары, оныклары, авылдашлары, Казаннан журналист Асия Юныс, якташ язучыларыбыз Хәбир Ибраһим, Әмир Камалиев, шулай ук районыбызның җирле шагыйрьләре һәм гомумән, аның иҗатын яратучылар катнашты.
