1. Страницы славы
  2. Герои Советского Союза

Герои Советского Союза

А (23) Б (18) В (11) Г (29) Д (10) Е (4) З (10) И (10) Й (1) К (1) О (1) С (4) Ф (1) Х (1) Ч (1) Җ (2) Ә (12)
Казань (3) Азнакаевский (1) Актанышский (2) Алькеевский (7) Альметьевский (1) Апастовский (1) Арский (3) Бавлинский (1) Балтасинский (1) Бугульминский (2) Верхнеуслонский (2) Высокогорский (2) Зеленодольский (1) Кукморский (4) Менделеевский (2) Мензелинский (2) Муслюмовский (1) Спасский (1) Тетюшский (1) Чистопольский (2)

ВӘЛИЕВ ӘГЪЗАМ ҖИҺАНША УЛЫ

ВӘЛИЕВ Әгъзам Җиһанша улы (10.4.1919, Казан губернасы, Чистай өязе Каргалы авылы - 1986, Архангельск шәһәре), Советлар Союзы Герое (15.5.1946), полковник (1971). 1938 елда Кызыл Армиягә алынганчы Ташкенттагы заводта слесарь булып эшли. Оренбург хәрби авиация очучылары училищесен (1940), Югары офицерлар очу-тактика мәктәбен (1945), Хәрби-һава академиясен (1952) тәмамлый. 1941 нең июненнән Бөек Ватан сугышы фронтларында, 179 нчы истребительләр авиаполкының эскадрилья командиры (5 нче һава армиясе, 5 нче штурмлаучы авиация корпусы, 331 нче истребительләр авиация дивизиясе).

Чистопольский
Герои Советского Союза
Опубликовано 12 January, 2015 - 23:59 пользователем admin

ВӘЛИЕВ ӘКРАМ ИСКӘНДӘР УЛЫ

ВӘЛИЕВ Әкрам Искәндәр улы (17.4.1924, Бөгелмә кантоны Илбәк авылы - 10.8.1975, Азнакай районы Илбәк авылы), Советлар Союзы Герое (24.3.1945), лейтенант (1946). 1941 елда Кызыл Армиягә алынганчы Бурят-Монгол АССР приискында клуб мөдире булып эшли. 1942 нең мартыннан Бөек Ватан сугышы фронтларында, 341 нче укчы полкта отделение командиры (10 нчы гвардия армиянең 119 нчы гвардия укчы дивизиясе). Көнбатыш, 2 нче Балтыйк буе һәм Ленинград фронтлары гаскәрләре составында Смоленск операциясендә (1943), Ленинград блокадасын өзүдә, Балтыйк буен азат итүдә катнаша.

Герои Советского Союза
Опубликовано 13 January, 2015 - 00:01 пользователем admin

ГАБДРӘШИТОВ ФӘЙЗУЛЛА ГАБДУЛЛА УЛЫ

ГАБДРӘШИТОВ Фәйзулла Габдулла улы (25.10.1903, хәзерге Башкортстан Республикасының Туймазы районы Иске Кандыр авылы - 5.4.1975, шунда ук, Бүздәк посологы), Советлар Союзы Герое (15.1.1944), гвардия рядовое. Туймазы кулланучылар җәмгыятенең әзерләүләр конторасында эшли. 1941 елның декабреннән Кызыл Армиядә. 1942 нең августыннан Бөек Ватан сугышы фронтларында, 60 нчы гвардия кавалерия полкында (16 нчы кавалерия дивизиясе, 61нче армиянең 7 нче кавалерия корпусы) станлы пулемёт төзәүчесе.

Герои Советского Союза
Опубликовано 13 January, 2015 - 00:15 пользователем admin

ГАВРИЛОВ ПЁТР МИХАЙЛОВИЧ

ГАВРИЛОВ Пётр Михайлович (17.6.1900, Казан губернасы, Лаеш өязе Әлбәдән авылы - 26.1.1979, Брест шәһәре), татар милләтеннән. Советлар Союзы Герое (30.1.1957), майор. Мәскәүдә М.В.Фрунзе исемендәге Хәрби академияне тәмамлый (1939). Гражданнар һәм совет-фин сугышларында катнаша. 1941 елдан Бөек Ватан сугышы фронтларында, 44 нче укчы полк (13 нче армиянең 42 нче укчы дивизиясе) командиры.

Герои Советского Союза
Опубликовано 13 January, 2015 - 00:19 пользователем admin

ГАДЕЛШИН ХӘМИТ ГАБДУЛЛА УЛЫ

ГАДЕЛШИН Хәмит Габдулла улы (10.7.1923, БАССРның Бишбүләк районы Ает авылы - 10.1.2000, Кыргызстан Республикасы Бишкәк шәһәре), Советлар Союзы Герое (22.2.1944), полковник. Радиотелеграфчылар курсын (1941), сугыштан соң Ленинград хәрби училищесен һәм Ленинградтагы Советлар Союзы Маршалы С.М.Будённый исемендәге Хәрби элемтә академиясен тәмамлый. 1941 елның августыннан Кызыл Армиядә. 1941 нең октябреннән Бөек Ватан сугышы фронтларында, 1449 нчы аерым элемтә ротасының (46 нчы армиянең 31 нче укчы дивизиясе) өлкән радиотелеграфчысы.

Герои Советского Союза
Опубликовано 13 January, 2015 - 00:24 пользователем admin

ГАЗИЗУЛЛИН ИБРАҺИМ ГАЛИМ УЛЫ

ГАЗИЗУЛЛИН Ибраһим Галим улы (3.6.1919, Чиләбе шәһәре - 30.5.1944, Яссы шәһәре янында), Советлар Союзы Герое (1.7.1944, үлгәннән соң), гвардия өлкән лейтенанты. Пермь хәрби авиация очучылары мәктәбен тәмамлый (1940). 1939 елдан Кызыл Армия сафларында. 1943 нең 1 гыйнварыннан Бөек Ватан сугышы фронтларында, 667 нче штурм авиациясе полкының эскадрилья командиры урынбасары (1 нче штурм авиациясе дивизиясе, 1 нче штурм авиациясе корпусы).

Герои Советского Союза
Опубликовано 13 January, 2015 - 00:25 пользователем admin

ГАЙНЕТДИНОВ МАХМЕТИН (ДМИТРИЙ) ГАЛЕНТИН УЛЫ

ГАЙНЕТДИНОВ Махметин (Дмитрий) Галентин улы (17.8.1921, Свердловск өлкәсе Григорьевка авылы - 7.5.1993, Төмән шәһәре). Советлар Союзы Герое (30.10.1943), старшина. Харьков хәрби-сәяси училищесен (1945), Мәскәүдәге В.И.Ленин исемендәге Хәрби-сәяси академиянең ике курсын (1950), Харьков унститутын (1958) тәмамлый. 1940 елдан Кызыл Армиядә. 1943 нең февраленнән Бөек Ватан сугышы фронтларында, 43 нче укчы полкның (65 нче армиянең 106 нчы укчы дивизиясе) элемтә ротасында взвод командиры.

Герои Советского Союза
Опубликовано 13 January, 2015 - 00:28 пользователем admin

ГАЙСИН ӘХМӘТСАФА ГАЯКОРЬЙСӘ УЛЫ

ГАЙСИН Әхмәтсафа Гайсә улы (1918, хәзерге Мари Республикасы, Бәрәңге районы Портчара авылы - 27.11.1943, Запорожье өлкәсе, Вольнянский районы Капустяный авылы), Советлар Союзы Герое (22.2.1944, вафатыннан соң), гвардия кече лейтенанты. Колхозда эшли. Кече лейтенантлар курсларын тәмамлый (1943). 1938 елдан Кызыл Армиядә. 1943 нең июленнән Бөек Ватан сугышы фронтларында, 185 нче гвардия укчы полкның (12 нче армиянең 60 нчы гвардия укчы дивизия) укчы взвод командиры.

Герои Советского Союза
Опубликовано 13 January, 2015 - 00:29 пользователем admin

ГАЛЕЕВ (ГАЛИЕВ) ФАХРАЗИ ГАЛЕЕВИЧ

ГАЛИЕВ Фәхразый Гали улы (12.2.1912, Уфа губернасы, Минзәлә өязе Җәмәк авылы - 13.5.1997, Минзәлә районы Җәмәк авылы), Советлар Союзы Герое (19.3.1944), кече сержант. Йөкче, тракторчы булып эшли. Казан республика партия мәктәбен тәмамлый (1952). 1934-36 елларда һәм 1942 дән Кызыл Армиядә. 1943 нең гыйнварыннан Бөек Ватан сугышы фронтларында, 1248 нче танкка каршы артиллерия полкында (12 нче армия) орудие командиры урынбасары. Көньяк-Көнбатыш фронты гаскәрләре составында Донбасс һәм Запорожье һөҗүм операцияләрендә катнаша (1943).

Герои Советского Союза
Опубликовано 13 January, 2015 - 00:30 пользователем admin