Сугыш балалары

Туган көне ае, елы: 07.09.1937.Туган урыны: Саба районы Язлы Арташ авылы. Яшәү урыны: Саба районы Язлы Арташ авылы. Хабиров Васик Хабир улы 1937 елның 7 нче сентябрендә Саба районы Язлы Арташ Әтисе Хәбир абый сугышта катнаша.Сослангерда хезмәт итә.1947 елда кайта.Кайткач төрле эшләрдә эшли.1980 елда вафат була. Хабиров Васик абый Арташ совхозында механизатор булып эшләп, лаеклы ялга чыкты. Тормыш иптәше белән өч кыз тәрбияләп үстерделәр.

Халикова Эльмира Һади кызы 1933 елның19 декабрендә Иске Минзәләбаш авылында хезмәткәр гаиләсендә туган.1950 елда Сарман урта мәктәбен тәмамлап,Алабуга китапханә техникумына укырга керә.1953 елдан Сарман балалар китапханәсе мөдире һәм лаеклы ялга чыкканчы шушы вазифаны намус белән башкара. Халыкны һәрвакыт китапханәгә китапханәченең җылы карашы, ягымлы аралашуы тартып китергән.Эльмира Һади кызы менә шундый шәхес- ачык йөзле, сабыр, аралашучан.Ул 1984 елда Татарстан Республикасының атказанган мәдәният хезмәткәре исеменә лаек була. Хөрмәтле хезмәт ветераны Сарман авылында яши.

Харисова (Лотфуллина) Флера Габделхак кызы 1940 нчы елның 14 нче июнендә Иске Кәшер авылында туган. Әтисе сугышка кадәр бригадир булып эшләгән, Бөек Ватан сугышында хәбәрсез югалган. Флера апаның бертуганнары булмаган, әнисе белән икесе генә яшәгәннәр. Бабасы Лотфулланың яргычы булган, тормыш алып барырга бик нык ярдәм иткән. Авылдан ук сөрмәсәләр дә, кулак дип мөлкәтен конфискацияләгәннәр. Лотфулланың 5 улы да Бөек Ватан сугышында катнашкан, 1909 нчы елгы улы фин сугышында һәлак булган. Флера апа 1958-1959 елларда Бөгелмә сәүдә (кооперация) училищесында белем алган.

Туган көне,ае,елы: 07.05.1939.Туган урыны : Саба районы Туктар авылы. Яшәү урыны : Саба районы Урта-Нырты авылы.Хасанова Нәкыя Хәсән кызы 1939 елның 7 нче маенда Саба районы Туктаравылында дөньяга килә.Гаиләдә 8 бала туа, шуларның 5е кечкенә вакытта ук вафатбулалар. Хәзерге вакытта Нәкыя апа һәм сеңлесе генә исән-сау.