Труженики тыла

Мин Җөринең указлы мулласы, Әхмәтшакир улы Фәйзелгаян кызы Сафия (Гаянова), 1926 елның 1нче февралендә Саба районы Алан-Җөри авылында туганмын. Сатыш тулы булмаган урта мәктәбенең 7нче классын тәмамлаган елны Ватан сугышы башланды. Сугыш елларында колхозда эшләргә туры килде. “Арыслан” колхозы гомуми җыелышы мине, 15 яшьлек кызны - бригадир, райком тәкъдиме белән Сатыш кызы Гөлбикәне колхоз рәисе итеп сайлады. Без ике яшь кыз әйбәт кенә эшлибез, үзебезчә тырышабыз инде. Куелган хезмәт бушка китмәде. Бу елны иген уңышы әйбәт булды.

1930 елның 1 июлендэ Анак авылында туа. 1937 елда Анак авылы мәктәбенә укырга керә, 1- 4 классларны Анак мәктәбендә, 5-7 классларны Иске Кәшер мәктәбендә тәмамлый. Аннан соң 1956 елга кадәр колхозда төрле эшләрдә эшли. 1956 елның 15 нче ноябреннән 1965 елга кадәр Анак-Яхшыбай авылларында бригадир вазифасын башкара. 1965 елдан 1995 елга кадәр Иске Кәшер сыер фермасында ферма мөдире булып эшли. 30 ел ферма мөдире булып эшләгәндә Атказанган колхозчы исеме бирелә.

1931 елның 10 апрелендә Йосыф-Алан авылында туганмын. Белемем - 7 класс. Хезмәт юлым ат торагында ат караучы булып эшләүдән башланды. Соңрак тырма, сука белән җир эшкәрттем. 1951-1954 елларда Совет Армиясе сафларына алындым. Ерак Камчаткада чик сакчысы булып хезмәт иттем. 1954-55 елларда Казанда ТЭС-2дә грузчик, 1955-56 елларда УМСХ курсанты. 1956 елдан башта МТС, аннан соң колхозда комбайнчы булып эшләдем. Колхозда булган барлык төр эшләрдә дә катнашырга туры килде. 1991 елда лаеклы ялга чыктым.

Фәтхетдинова Миннегөл Хәйрулла кызы 1928 нче елның 28 февралендә дөньяга килә. Тумба авылында пилорамщик булып эшли. 1975 елдан РТСта диспетчер булып эшли һәм шуннан лаеклы ялга чыга. Миннегөл апаның 5 баласы һәм 5 оныгы бар. 1921 елның феврал аенда вафат. ( Түбән Әлки авыл җирлеге хезмәткәрләре материалы).