Кадерле әтием, Дәминов Мотыйгулла Кәрим улы! Менә 89 яшемдә беренче мәртәбә сиңа хат язам, Сөләй якларыннан күп сәламнәр җибәрәм. Ни хәлләрең бар? Тыныч ятасыңмы? Рәнҗемисеңме безгә? Оныттыгыз димисеңме? Юк, юк, онытмадыыыык... Онытырга хакыбыз юююююк...
Әлмәттә бөтен илдәге кебек үк «Җиңү диктанты» халыкара акциясе узды. Акциядә 360 әлмәтле катнашты. Шәһәрнең биш мәйданчыгында — мәгариф учреждениеләрендә һәм мәдәни үзәкләрдә мәктәп укучылары, студентлар, волонтерлар, педагоглар Бөек Ватан сугышы вакыйгалары турындагы белемнәрен тикшерергә җыелды. 45 минут дәвамында катнашучылар хәрби тарихның төрле аспектларын үз эченә алган 25 сорауга җавап бирделәр.
100дән артык әлмәтле Бөек Җиңүнең 80 еллыгына багышланган «Хәтер бакчасы» акциясе кысаларында 15 мең имән һәм корычагач утыртты. Бу агач утырту гына түгел, ә баш өстендә тыныч күк йөзе өчен үз гомерләрен биргән кешеләргә хөрмәт билгесе дә.
Диктантның төп максаты - киң җәмәгатьчелекне Бөек Ватан сугышы һәм Икенче бөтендөнья сугышы тарихын өйрәнүгә җәлеп итү, тарихи грамоталылыкны арттыру һәм яшьләргә патриотик тәрбия бирү. Әтнә районының 9-11 сыйныф укучылары, башкарма комитеты вәкилләре, СВОда катнашучыларның әниләре, СВОда катнашучылар һәм теләге булган барлык кешеләр Бөек Ватан сугышы вакыйгалары темасына "Җиңү диктанты - 2025" Халыкара тарихи диктантында катнаштылар.
Бөек Җиңүнең 80 еллыгы якынлаша. Илебез тарихында тирән эз калдырган Бөек Ватан сугышы кайтавазы хәтерләрдә озак сакланыр әле. «Хәтер бакчасы» Халыкара акциясе максаты – Ватаныбызны саклаучылар истәлеген, шулай ук илебезнең урман байлыкларын саклау. Бөек Ватан сугышында Җиңүнең 80 еллыгы уңаеннан Бөтендөнья күләмендә үткәрелүче «Хәтер бакчасы» Халыкара акциясе кысаларында Олы Әтнә авылында 150 агач утыртылды. Акциянең төп максаты — сугыш чоры батырлары истәлеген мәңгеләштерү һәм илнең урман байлыкларын саклауны яшь буынга тапшыру.
Безнең Габдрахман авылыннан да бу аяусыз сугышка 369 кеше китә. Шуларның 157 се сугыш кырында ятып кала. Исән кайтканнарының да алган яралардан һәм авырулардан вакытсыз гомерләре өзелә. Ни кызганыч, сугыш газапларын үз җилкәләрендә татыган ветераннарыбыз бу дөньядан берәм-берәм китеп бардылар. Унынчы дистәсен ваклаучы җор телле, тапкыр сүзле сугыш ветераны үзенең үткән гомере, ачы фронт язмышы турындагы хатирәләрен минем белән дә уртаклашкан иде. Нуришан абыйның хәтере яхшы, үткән сугыш эзләре күңелендә бүгенгедәй сакланган иде.
Сугыш... 1941-1945 нче елларда булып үткән Бөек Ватан сугышы тәмамлануга быел 80 ел тулуга карамастан,аның тетрәндергеч авыр, кара тойгылары әле бүген дә йөрәкләрдә тирән яра булып тора.Немец фашистларының шул сугышларда безнең халыкка күрсәткән ерткычлыгын бернигә дә тиңләп булмый, ул җан тетрәндергеч авыр, куркыныч эшләр кичә генә булган кебек. Илебезне фашист илбасарларыннан азат итү өчен күпме халык үзләренең гомерләрен биргән. Әлмәт районы Елховой һәм Түбән Абдул авылларыннан гына да 630 кеше сугышка чыгып киткән.
Бөек Ватан сугышында Җиңүнең 80 еллыгын бәйрәм итү алдыннан Комыргуҗа урта мәктәбенең 2 сыйныф укучылары тәрбия буенча директор киңәшчесе Әхтәмова А.С. белән бергә тыл хезмәтчәне Исмәгыйлева Мәрьям апаларына бардылар. Бөек Ватан сугышы вакытында, яшь чагында ул тылда хезмәт итә, фронт файдасына һәм Җиңү хакына авыр хезмәтләр башкара.
Мәдәният өлкәсененең профсоюз ешмасы тарафыннан Бөек Җиңүнең 80 еллыгына багышланган балалар һәм яшүсмерләрдә рухи-патриотик кыйммәтләр һәм өлкән буынга хөрмәт формалаштыруга ярдәм итү, Бөек Җиңүнең 80-еллыгын бәйрәм итү чараларына җәлеп итү һәм тарихка танып-белү кызыксынуын арттыру максатыннан"Хәтер яктысы" республикакүләм балалар рәсем бәйгесенең муниципаль этабы узды. Барлыгы 3 номинация буенча 53 эш кабул ителде. Жюри бәя биреп, һәр номинациядә 1,2,3 урынны билгеләп, республика этабына эшләрне юллады.
Әтнә үзәк китапханәсендә Ватанны саклаучылар елы, Бөек Жиңүнең 80 еллыгы уңаеннан “Батырлык кайтавазы” исеме астында районкүләм әдәби шигырь укучылар бәйгесе узды. Бәйгедә катнашучылар Бөек Ватан сугышы, Ватанга мәхәббәт һәм аны басып алучыларга карата нәфрәт белән сугарылган шигырьләр һәм әсәрләрдән өзекләрне укыдылар. Шигырь укучылар бер-берсеннән башкару осталыгы ягыннан аерылып торсалар да, шунысы бәхәссез, алар барысы да үзләренең хисләрен тамашачыга җиткеререгә тырышты. Аларның чыгышын мөхтәрәм жюри әгъзалары бәяләде:
