Труженики тыла | Виртуальный музей Великой Отечественной войны Республики Татарстан

ӘХМӘТҖАНОВА ХӨСНИҖИҺАН ЗИННУР КЫЗЫ

1930 нчы елның 29 нчы апрелендә Түбән Барыш авылында туган. 1945 нче елда Зур Күккүз урта мәктәбенең 7 нче сыйныфын бетерә. Җиңү хәбәрен ишеткәч, парад ясап, укучылар урам буйлап йөргәннәр. Әхмәтҗанова Хөсниҗиһан апа үз авылында тракторист ярдәмчесе булып эшли. Авылдашы Бибинур белән, алны-ялны белмичә, йокы күрмичә , төнге сменаларга калып эшләгәннәр. Сугыш беткәннән соң, 16 яшендә авылдаш кызлары белән бергә Пермьгә урман кисәргә киткәннәр. Аннан кайтып,колхозда сыер савучы булып эшли.

Апастовский

Труженики тыла

Опубликовано 9 June, 2021 - 10:37 пользователем Ногманов Рамис ...

ӘХСАНОВА СӘКИНӘ ГЫЙЛФАН КЫЗЫ

Апас районы Урта Балтай авылында туа. Бөек Ватан сугышы башланып киткәндә 12 яшь була аңа. Тыл хезмәтенең бөтен авырлыкларын күрергә туры килә. Кырдагы урып-җыю эшләре, ындыр табагында, тавык фермасында да хезмәт куя. Шулай да хәтергә иң уелып калганы – Пермь өлкәсендэ, Молотов урманнарында урман кисү.7 ай буе, көч җитмәслек авыр хезмәттә булган Сәкинэ апа. Cугыш инвалиды Галириза Һидият улы белән 1960 елда тормыш корып, 3 бала тәрбияләп үстерәләр. Риза абый 1994 елда вафат була."1941-1945 еллардагы Бөек Ватан сугышында фидакарь хезмәте өчен» медале белән бүләкләнә.

Апастовский

Труженики тыла

Опубликовано 22 April, 2021 - 15:45 пользователем Ногманов Рамис ...

ӘХӘТОВА НУРИЯ ӘХӘТ КЫЗЫ

1928 нче елның 13 мартында (Кыз фамилиясендә калган) Саба районы Юлбат авылында туган. Әтисе Габделәхәт (Юлбат кешесе), әнисе Мофаззала (Килдебәк авылыннан). Нурия апа колхозчы гаиләсендә абыйсы Нурлыәхмәттән соң икенче бала булып дөньяга килә. 4 класс белем ала. 1941 елда әтиләре Донбас шәһәренә эшкә чыгып китә. Барып урнашкач, хатынын (Нурия апаның әнисе), һәм ике баласын да үзе белән Донбаска алып китә. Өч ай яшәгәннән соң, сугыш башлану турында хәбәр килә. Бөтен җирдә радио сөйли. Әниләре, иртүк уятып, сугыш хакында аңлата.

Сабинский

Труженики тыла

Опубликовано 17 August, 2017 - 18:54 пользователем Краеведческий музей

ӘҮМӘДИШИНА - ГӘРӘЕВА ФАГЫЙЛӘ

1938 елда почтальон булып эшли башлый һәм сугыш елларында да шушы вазыйфаны башкара. Хатларны Сарманнан үзе алып кайта. Булганда – колхоздан ат бирәләр, юк икән - ике дистә чакрым юлны җәяүләп барып кайтырга туры килә. Язларны ташу суларын ерып, кышларын өши – туңа, Фагыйлә Ләшәү Тамак почта бүлегенә хатлар ташый. Авылда бердәнбер телефон почтада урнашкан була. хат ташучыларга көн дәвамында элемтәдә утырасы. Телефон шалтырамаганда, хатларны Ләшәү Тамак, Дүсем авылларына бүләсе, әтиләре – абыйлары сугышта үлеп, әниләре белән генә калган яшь балалар өчен пособие бирәсе була.

Сармановский

Труженики тыла

Опубликовано 26 September, 2016 - 11:59 пользователем Хамитова Гузель