Бабайсы Бөек Ватан сугышында катнаша, әтисе һәм абыйсы совет һәм Россия армиясе юлларын уза, ә үзе махсус хәрби операция зонасында ул. “Яшәү шартлары зарланырлык түгел, районнан гуманитар ярдәмне дә һәрдаим алып торабыз”, – диде махсус хәрби операция зонасыннан ялга кайткан Радмир Тимергалиев. Аның белән туган нигезендә, Иске Өҗем авылында очраштык. Башта Иске Өҗем мәктәбендә эшләүче әнисе Венера ханым белән элемтәгә кердек.
Күәм урта мәктәбе укучылары Бөек Җиңүнең 80 еллыгын бәйрәме уңаеннан «Бөек җиңүгә илткән юл» дигән концерт белән чыгыш ясадылар. Ватан сугышы тарихына багышланган бу мәдәни чарада мәктәп укучылары патриотик җырлар, биюләр, шигъри композицияләр белән тамашачыларны сокландырды. Концерт программасы Бөек Җиңүнең истәлеген мәңгеләштерү, яшь буынга ватанпәрвәрлек рухын агару һәм тарихи хәтерне саклау максатыннан торды. Күәм авылы мәдәният йортында уздырылган бу чара шулай ук мәктәпнең патриотик тәрбия эшчәнлегендә зур роль уйный.
Бүгенге героебыз — Мөнҗия Мөхәммәтгәрәй кызы Хаҗиәхмәтова, тыл хезмәтчәне, Түбән Мактама бистәсендә яшәүче Ак әби. Аның гомер юлы — каһарманлык, һәм җиңү турында. Мөнҗия апа 1932 елда Болгар-2 авылында туа. Аның әтисе — «Кызыл байрак» колхозы председателе, репрессия корбаны була. 9 яшендә ятим калган Мөнҗия апа, авыр чорларны башынан үткәрә: 14 яшеннән колхозда эшли, агач кисә, бүрәнә ташый, трактор йөртә.
Сугыш — кешеләр үзләре китереп чыгарган афәт. Без быел Бөек Җиңүнең 80 еллыгын билгеләп үтәбез. Туган авылымда инде бер сугыш ветераны да калмады. Алар үзләре белән меңләгән истәлекләрне алып киттеләр. Ләкин без аларны онытмыйбыз! Минем балачагым сугыш елларына туры килде. Ачлык, салкын, куркыныч — барысы да булды. Ләкин халык тырышты, эшләде, җиңүгә ышанды.
Күлле Киме авыл җирлеге тыл ветераннары Бөек Җиңүнең 80 еллыгы медальләре белән бүләкләнде. Күлле Киме авылында Бөек Җиңүнең 80 еллыгы хөрмәтенә тантаналы чара үтте. Сугыш чоры авырлыкларын башынан үткәргән, тылда хезмәт итүче һәм җирле халкына ярдәм күрсәткән дүрт тыл ветераны — Асия Солтанова, Рәйсә Кушаева, Гөлсәгыйдәт Фазуллина, Зәйнәп Галиева — юбилей медальләре белән бүләкләнделәр. (Зәйнәп апа Галиева Бахтачы авылыннан, хәзерге вакытта балаларында тәрбияләнә). Аларның батырлыгы һәм тылдагы фидакарь хезмәте бүгенге яшьләр өчен үрнәк булып тора.
Бүген Җиңүнең 80 еллыгы юбилей медале белән Миңлебай авыл җирлегендә яшәүче, тыл хезмәтчәнәре Хаерова Нафиса Нурмухаммәт кызы ,Антонова Мария Алексей кызы бүләкләнде. Медальләрне Миңлебай авыл җирлеге башлыгы Рахимов Ильдар Мансур улы,авыл җирлеге ,мәдәният хезмәткәрләре , ветераннар советы вәкилләре тапшырдылар. Медальләр тапшыру җылы котлау сүзләре, сәламәтлек һәм озын гомер теләүләр белән үрелеп барды. Һәр ветеран-ул тере тарих, ул дәһшәтле еллар, газаплар һәм җиңүләр, чын патриотизм турында хәтер йөртүче әби-бабаларыбыз.
Әтнә туган якны өйрәну музее хезмәткәрләре тарафыннан мәктәп укучылары учен “Сугыш чоры ядкарьләре” дип исемләнгән мәдәни - белем бирү программасын такъдим ителде. Әлеге җитди чарада аңлатма белән тематик күргәзмә һәм сугыш чорына караган район тарихыннан мәглүматлар урын ала. Ахырдан катнашучылар өчен Җиңү билгесе - Георгий тасмасын эшләү буенча осталык дәресе үткәрелде.
Бөек Җиңүнең 80 еллыгы, 2025 ел - Ватанны саклаучылар елын тантаналы төстә ачып җибәрү максатында, Олы Мәңгәр мәдәният йортында, мәктәп һәм балалар бакчасы балалары һәм укытучылары коллективы тарафыннан «Батыр егет - ил күрке!» исемле бик матур бәйрәм чарасы булып узды.
Әлмәт җирлегендә юбилей тантаналары дәвам итә. Бүген Җиңүнең 80 еллыгы юбилей медале белән Әлмәт үзәк район хастаханәсенең ветераны, тыл хезмәтчәне Евдокия Кошаева бүләкләнде. Медальне район хастаханәсенең баш табибы Илдар Рәхимуллин һәм ветераннар советы вәкилләре тапшырдылар. Евдокия Григорьевнаның яшьлеге сугышның авыр елларына туры килгән. Кыз яшьтәшләре белән бергә иртә таңнан кырда эшләп, иленә ярдәм иткән. 1931 елда туган Евдокия Григорьевна 10 яшеннән башлап, басуда эшләгән, сугыш чорында колхозда хезмәт куйган, ә сугыштан соң белем алып, туган якларына әйләнеп кайткан.
Сәлимә Нәбиулла кызы үз гомерендә беркайчан да зарланмый, авырлыклар алдында югалып калмый. Намус белән, җанын-тәнен биреп хезмәт итә, киләчәккә ышаныч белән карый. Җиңүгә керткән өлеше «1941-1945 еллардагы Бөек Ватан сугышында фидакарь хезмәте өчен» медале, шулай ук күпсанлы юбилей бүләкләре белән билгеләп үтелгән.
