«Сезнең тормыш – үзе батырлык!» дип исемләнгән фестивальнең чираттагысы Кышлау авыл җирлегендә үтте. Ватанны саклаучылар һәм бөек җиңүнең 80 еллыгы уңаеннан авыл җирлекләре арасында игълан ителгән бәйге-фестиваль дәвам итә. Әлеге кичәдән фоторепортаж.
Әлмәт районы Кузайкино балалар бакчасының кечкенә рәссамнары махсус хәрби операциядәге батырлар өчен өч махсус "Җиңү одеялы" ясадылар! Балалар кояш, чәчәкләр, танклар, самолетлар һәм Җиңүнең символларын сурәткә төшергәннәр. Шулай ук агачтан Татарстан флагы төсләрендәге йөрәкләр ясап, үз исемнәрен язып куйганнар! Бу Ватанны саклаучылар елына һәм Бөек Җиңүнең 80 еллыгына багышлана. Одеяллар киләсе гуманитар ярдәм партиясе белән хәрбиләргә озатылачак. Балалар һәм өлкәннәрнең бердәмлеге – иң көчле ярдәм!
Ә бит бу җиңел түгел: фронтларда атакаларны кире кагу,заводларда берничә сменада эшләү, тормышка һәм матурлыкка мәхәббәтне саклап калу. Чын соклануга хатынкызларның хәтта авыр вакытларда да элегант булып калуы, сөйкемлелек үз чоры трендларына ияреп, стильле киенү сәләтенә лаек. "Әйләнә-тирәдә җимереклек һәм
Ачык хат өчен карточкадан торган, алгы ягында сурәте, ә арткы ягында кыска хәбәр өчен урын,җибәрү адресы һәм җибәрүченең адресы булган почта открыткасы популяр почта хәбәре булган. Бөек Ватан сугышы башлану белән СССРда басма продукция җитештерү кискен кими, ләкин открыткалар җитештерү буенча тиражлар сизелерлек кимеми, һәм бу җиңел аңлатыла. Фронтта да, тылда да нәтиҗәле пропаганда кирәк була, патриотик эчтәлекле открытка да шул максатларга туры килә . Иллюстрацияле открыткалар киң тарала, шул ук вакытта ябыштырылган фото сүрәтләр белән открыткалар җибәрүне катгый тыялар.
Әлмәттә Бөек Ватан сугышы ветераннарына бүләкләр тапшыру дәвам итә. Медицина тармагы ветераннары, тыл хезмәтчәннәре Россия Федерациясе Президенты Указы белән гамәлгә куелган «1941-1945 еллардагы Бөек Ватан сугышында Җиңүгә 80 ел» юбилей медальләренә лаек булдылар. Бу медальләр-аларның сугыш елларындагы батырлыкларына һәм фидакарь хезмәтләренә хөрмәт. Без аларның ныклыгы һәм рухи көчләре алдында баш иябез!
Бабайсы Бөек Ватан сугышында катнаша, әтисе һәм абыйсы совет һәм Россия армиясе юлларын уза, ә үзе махсус хәрби операция зонасында ул. “Яшәү шартлары зарланырлык түгел, районнан гуманитар ярдәмне дә һәрдаим алып торабыз”, – диде махсус хәрби операция зонасыннан ялга кайткан Радмир Тимергалиев. Аның белән туган нигезендә, Иске Өҗем авылында очраштык. Башта Иске Өҗем мәктәбендә эшләүче әнисе Венера ханым белән элемтәгә кердек.
Күәм урта мәктәбе укучылары Бөек Җиңүнең 80 еллыгын бәйрәме уңаеннан «Бөек җиңүгә илткән юл» дигән концерт белән чыгыш ясадылар. Ватан сугышы тарихына багышланган бу мәдәни чарада мәктәп укучылары патриотик җырлар, биюләр, шигъри композицияләр белән тамашачыларны сокландырды. Концерт программасы Бөек Җиңүнең истәлеген мәңгеләштерү, яшь буынга ватанпәрвәрлек рухын агару һәм тарихи хәтерне саклау максатыннан торды. Күәм авылы мәдәният йортында уздырылган бу чара шулай ук мәктәпнең патриотик тәрбия эшчәнлегендә зур роль уйный.
Бүгенге героебыз — Мөнҗия Мөхәммәтгәрәй кызы Хаҗиәхмәтова, тыл хезмәтчәне, Түбән Мактама бистәсендә яшәүче Ак әби. Аның гомер юлы — каһарманлык, һәм җиңү турында. Мөнҗия апа 1932 елда Болгар-2 авылында туа. Аның әтисе — «Кызыл байрак» колхозы председателе, репрессия корбаны була. 9 яшендә ятим калган Мөнҗия апа, авыр чорларны башынан үткәрә: 14 яшеннән колхозда эшли, агач кисә, бүрәнә ташый, трактор йөртә.
Сугыш — кешеләр үзләре китереп чыгарган афәт. Без быел Бөек Җиңүнең 80 еллыгын билгеләп үтәбез. Туган авылымда инде бер сугыш ветераны да калмады. Алар үзләре белән меңләгән истәлекләрне алып киттеләр. Ләкин без аларны онытмыйбыз! Минем балачагым сугыш елларына туры килде. Ачлык, салкын, куркыныч — барысы да булды. Ләкин халык тырышты, эшләде, җиңүгә ышанды.
Күлле Киме авыл җирлеге тыл ветераннары Бөек Җиңүнең 80 еллыгы медальләре белән бүләкләнде. Күлле Киме авылында Бөек Җиңүнең 80 еллыгы хөрмәтенә тантаналы чара үтте. Сугыш чоры авырлыкларын башынан үткәргән, тылда хезмәт итүче һәм җирле халкына ярдәм күрсәткән дүрт тыл ветераны — Асия Солтанова, Рәйсә Кушаева, Гөлсәгыйдәт Фазуллина, Зәйнәп Галиева — юбилей медальләре белән бүләкләнделәр. (Зәйнәп апа Галиева Бахтачы авылыннан, хәзерге вакытта балаларында тәрбияләнә). Аларның батырлыгы һәм тылдагы фидакарь хезмәте бүгенге яшьләр өчен үрнәк булып тора.
