Яңалыклар

Бөек Җиңүнең 70 еллыгын каршылаган көннәрдә сугыш ачысын татыган һәркемнең күңел түрендә хатирәләр уянадыр. Ул елларда ирләрен һәм улларын яу кырына озаткан хатыннарның һәм әниләрнең, әтиләрен, абый-энеләрен еллар буе өзелеп көткән балаларның кайгысын үлчәрлек үлчәүләр булды микән?! Бу кайгылар, күз яшьләре, сыкрау һәм җан иңрәүләр бар совет халкын бер йодрыкка туплаган. Үзләренең кияр киемнәре, ашар ризыклары булмаса да, рәхимсез дошманнан качып, туган нигезләреннән кубарылган ватандашларын - эвакуацияләнгән ятимнәрне, толларны үз яннарына сыендырган алар.

Сарман авылында яшәүче Сәитова Әминә Әхмәтлатыйп кызына 90 яшь тулды. Аны котларга район Башкарма комитеты җитәкчесе Фәрит Хөснуллин, социаль яклау бүлеге начальнигы Гөлнара Хуҗина, Сарман авыл җирлеге башкарма комитеты җитәкчесе Ринат Әхмәдуллин, "Сарман мәгълүмат мөхәррият үзәге" директоры Альбина Сабирова килделәр. Алар Әминә апаны юбилее белән котладылар, иң изге теләкләрен җиткерделәр, истәлекле бүләкләр тапшырдылар.

Иж-Борискино авылында яшәүче Нина һәм Николай Березкиннар күптән түгел үзләренең бриллиант туйларын билгеләп үттеләр. Алар илленче елларда өйләнешкән. Николай Иванович тумышы белән Поповкадан (бу авыл инде күптән юк), ә Нина Ильинична Фадеевкадан булса да, Березкиннар Иж-Борискинога барып төпләнә. Үз көчләре белән йорт (әле дә булса шунда яшиләр) тергезәләр. Җиң сызганып абзар-кура төзеп куялар, мал-туар асрый башлыйлар.

Өчөйле Саклау авылында гомер кичерүче Фәхразыева Миңнегөлсинә Әмирҗан кызы бүген 90 яшьлек юбилеен билгеләп үтте. Аны гомер бәйрәме белән район Башкарма комитеты җитәкчесе Фәрит Хөснуллин, социаль яклау бүлеге начальнигы Гөлнара Хуҗина, Саклаубаш авыл җирлеге башлыгы Әлфис Мөхәммәтгәрәев котладылар. Фәрит Мөнәвирович Россия Президенты Владимир Путинның Котлау хатын, истәлек бүләге тапшырып, иң матур теләкләрен җиткерде. “Озак яшәүнең сере нәрсәдә?” – дип кызыксынгач: