А. Тимергалин исемендәге Иске Минзәләбаш урта мәктәбендәге укучылар “Балалар ҖИҢҮне ясый” дигән рәсем конкурсында катнаштылар. Җиңүнең 70 еллыгы уңаеннан үткәрелгән бу конкурста алар тагын бер кат үзләренең осталыкларын күрсәттеләр һәм Җиңү көненең шатлык-куанычларын йөрәкләре аша кичерделәр. Конкурста катнашкан балаларга бик зур рәхмәт.
А. Тимергалин исемендәге Иске Минзәләбаш урта мәктәбендә “Мәңге сүнми торган хәтер” дигән, сугыш вакытында җырланган җырларга багышланган иртә үтте. Бу иртә Бөек Җиңү турындагы тарихи истәлекләрне саклау, яшь буынга патриотик тәрбия бирү максаты белән уздырылды. https://edu.tatar.ru
Бөек Ватан сугышы музее-мемориалында «Сугыш чоры балалары иҗтимагый җәмгыятенең» чираттагы утырышы булып узды. Клубның концерт бригадасы сугыш чорында иҗат ителгән җырлардан төзелгән концерт программасы тәкъдим итте.
22 февралендә Көчек авыл җирлегенең сугыш һәм тыл ветераннарына Бөек Җиңүнең 70 еллыгы уңаеннан медальләр тапшыру булып узды. Авыл җирлеге башлыгы Р.Ә. Нурмөхәммәтов, башкарма комитет җитәкчесе урынбасары Ә.Р.Төхвәтуллина сәламәтлекләре начар булу сәбәпле, йөри алмый торган ветераннарның өйләренә кереп медаль һәм чәчәкләр тапшырдылар. Ә авыл китапханәчесе Гайнетдинова Ф.М. ветераннарга Әгерҗе районы буенча чыккан «Алар илгә җиңү алып кайтты» дигән китаплар тапшырды.
Янурыс башлангыч белем бирү укучылары, һәлак булган сугыш ветераны Әхкәмов Әкмәл абыйның хатыны, Әнүзә апа белэн очрашуда! https://edu.tatar.ru
Җиңүнең 70 еллыгын каршылауга 6б классы (класс җитәкчесе Ганиева Гөлнара Азгаровна) үзенең зур өлешен кертә. Соңгы вакытта алар Бөек Ватан сугышы маршаллары турында мәгълүмат туплап, зур күләмле буклет чыгардылар. Ул бик матур һәм зәвыклы килеп чыкты.
Сарман гимназиясенең 2 в сыйныфында мөхтәрәм, сугышның башыннан алып ахырына кадәр үткән, Хәмитов Гыйльмехәммәт Зиятдин улы белән очрашу булды.Аның һәр сүзен балалар йотлыгып тыңлады.Бигрәк тә малайлар.Ничек тыңламыйсың ди,ул бит үз күзләре белән дошманны күргән,ничә тапкыр үлемнән калган һәм иң әһәмиятлесе-Рейхстагны штурмлауда да катнашкан! Аның түбәсендә җилфердәгән кызыл байракны күргәч,күзләренә яшь килә бабабызның.
Янурыс башлангыч белем бирү мәктәбе укучылары, тыл ветераны Мөхәммәдиев Наис бабай белән батырлык дәресендә https://edu.tatar.ru
Ләке төп гомуми белем бирү мәктәбе 5-9 класс укучылары Бөек Җиңүнең 70 еллыгына багышланган газеталар чыгардылар. https://edu.tatar.ru
