Мәңгелек саф

Шәех Фәрди улы Фәрдиев 1923 елда Актаныш районының Әнәк авылында туа. 1942нче елда Бөек Ватан сугышына китә, туган авылына 1947нче елда гына әйләнеп кайта. Колхозда хуҗалык мөдире булып эшли. 1948нче елда ул Шәрип Шәймиевның олы кызы Дөргалия апага өйләнә. Дөргалия апа тормышның ачысын-төчнсен күп татыган тырыш кыз була. Урман да кисә ул, печән дә чаба,ашлык та ура. Югары уку йортларында уку насыйп булмый аңа. Югыйсә зирәк,акыллы Дөргалиядән менә дигән белгеч чыгар иде.Шәех абый белән Дөргалия апа бергәләп 6 бала үстерәләр.

1926 елның 15 августында Яңа Богады авылында туа, шунда тормыш иткән. 1943 елның 7 нояберендә 17 яшьлек егетне дошманга каршы корәшкә җибәрәрләр Яугир икенче Ерак көнчыгыш фронтында япон гаскәрләренә каршы көрәшә. Рядовой солдат Җиңү көнен Харбин шәһәрендә каршылый. Сугыш беткәч тә тиз генә өенә кайту насыйп булмый аңа. Урау юллар үтеп, 1950 елның декабрь аенда гына авылына кайтып җитү бәхетенә ирешә. "Бөек Ватан сугышы" ордены,юбилей медальләре белән бүләкләнә. Кайткач "Богады" колхозында хисапчы булып эшли. 1986 елны лаеклы ялга туктый.

Шәйдуллин Рәхимҗан Гайса улы 1925 елда Казан губернасының Спас өязе Бибай Чаллысы авылында (хәзер ТР Әлки районы) туган. Бөек Ватан сугышы ветераны. 1944 елда фронтка алына. 1987 елда вафат.

Шәйдуллин Шакир Хәбибулла улы. 20.02.1930 - 11.01.1997 Әлки районы Чуаш Кичүе авылында ишле гаиләдә өченче бала булып дөньяга килә. Бөек Ватан сугышы елларында ана бары ун яшь була. Олырак ике абыйсы белән кырда эшли. Яшь булуына карамастан, ул эштән курыкмыйча олы яшьтәге бабайлар белән аркан ишкән, мунчала бәйләгән. Ат җигәргә буе җитмәгәч, ящик өстенә басып атны җигә торган булган. Өендә исәнсез әтисе, бала имезүче әнисе, ике сеңлесен булган, аларны ашатырга кирәк булган. Сугыштан соң сыер фермасында скотник булып эшләгән.