Мәңгелек саф

АПТИКАЕВ ФУАТ ШАЕХОВИЧ

Аптикаев Фуат Шәех улы 1907 елда Башкортстанның Янаул районы Чишмә авылында туган. Ул 1927 елда Бөре педтехникумын тәмамлап, иҗтимагый фәннәр укытучылары әзерли торган университетның философия факультетында һәм Казан профессура институтында укый. 1931 елда Мәскәү элемтэ инженерлары университетында укыта. 1938 елдан Алабугада эшли. Алабуга рабфагы директоры, аннан пединститутның кафедра мөдире. Бөек Ватан сугышы башлангач, Фуат Шәех улы, кулына корал алып, Ватанны саклаучылар сафына баса. Фронтта һәм тыныч хезмәттә күрсәткән батырлыклары өчен

АПТИКАЕВ ФУАТ ШАЕХОВИЧ

Аптикаев Фуат Шаех улы 1907 елда Башкорстанның Янаул районы Чишмә авылында туган. Ул 1927 елда Бөре педтехникумын тәмамлап, иҗтимагый фәннәр укытучылары хәзерли торган университетның философия факультетында һәм Казан профессура институтында укый.1931 елда Мәскәү элемтә инженерлары университетында укыта. 1938 елдан Алабугада эшли. Алабуга рабфагы директоры, аннан пединститутның кафедра мөдире. Бөек Ватан сугышы башлангач, Фуат Шәех улы, кулына корал алып, Ватанны саклаучылар сафына баса.

АРСЛАНГАЛИЕВ МУЛЛАХМӘТ АРСЛАНГАЛИ УЛЫ

1927 елның 11 маенда Актаныш авылында туа. Фронтка 1944 елның ноябрендә китә. Белоруссия фронтында сугыша, бүлекчә командиры була. Әфганстан чигендә хезмәт итә. 1951 елда кайта. Старшина. Ватан сугышы ордены, медальләр белән бүләкләнә. Район статистика бүлегендә инспектор булып 4 ел эшли. Шоферлар курсларында белем ала. Район кулланучылар җәмгыятендә шофер булып 35 ел эшләп, лаеклы ялга чыга. Тормыш иптәше белән 2 кыз тәрбияләп үстерәләр.

АРСЛАНОВ ГАЛИМӘРДӘН АРСЛАНГӘРӘЙ УЛЫ

1905 елның 20 октябрендә Арслангәрәй Рәҗәпов һәм Мөшфикә Әхмәт кызы гаиләсендә туган. Сугышка кадәр колхозда бригадир булып эшләгән. 1941 елның 23 июнендә фронтка киткән. 1945 елда сугыштан кайткан. Орден­медальләре: II дәрәҗә Ватан сугышы ордены (1985). Хатыны Мияссәрә. Балалары: Кәшфелразый (1937), Гөлсинә (1940), Равил (1946), Рәмзия (1949), Фәүдәт (1951), Дамира (1954), Рәзинә (1957). 1985 елның 6 сентябрендә вафат булган, Илексаз авылында җирләнгән.

АРСЛАНОВ КӘШФЕЛГАЯН АРСЛАНГӘРӘЙ УЛЫ

1913 елның 5 февралендә Арслангәрәй Рәҗәпов һәм Мөшфикә Әхмәт кызы гаиләсендә туган. 1941 ел ның 26 июлендә Кызыл Армия сафларына алынган. Туганнарына юлланган соңгы хаты 1942елның 3 апрелендә килгән. Соңрак, 12 июль дә Смоленск шәһәре тирәсендә барган бәрелешләрнең берсендә әсирлеккә төшкән. Зидельце шәһәрендә урнашкан концентрацион лагерьдә тоткынлыкта булган. 1943 елның 3 августында әсирлектә вафат булган. Өйләнмәгән.

АРСЛАНОВ МӘГЪCҮМҖАН АРСЛАНГӘРӘЙ УЛЫ

1903 елның 28 февралендә Арслангәрәй Рәҗәпов һәм Мөшфикә Әхмәт кызы гаиләсендә туган. Сугышка кадәр машинист булып эшләгән. 1941 ел ның 26 августында Кызыл Армия сафларына алынган. Бәрелешләр вакытында яраланган һәм хәрби госпитальдә дәваланган. Савыкканнан соң, Юдино хәрби комиссариатына чакырылган, ә аннан 1942 елның 8 ноябрендә Ижевск шәһәренә 18 нче запас укчы батальонына җибәрелгән. Фронтка җибәрелгәч, соңгы хатын ул 1943 елның 5 февралендә язган. Хатыны Нурлыгаян.

АРСЛАНОВ ВӘЛИ АРСЛАН УЛЫ

1925 елның 4 августында Яңа Богады авылында туган һәм тормыш иткән. 1943 елның 13 гыйнвар сугышка озатла. I Украина фронтында сугыша. Польшаны яулыйлар. Германиягә бәреп керәләр. Бөек Җиңү көнен рядовой солдат Германиянең Веттенбург шәһәрендә каршылый. Туган авылына 1945 елның 31 декаберендә кайта. Күп кенә медальләре бар. Кайткач, "Богады" колхозында шактый еллар шофер булып эшлә, 1985 елны лаеклы ялга туктый. Тыныч тормыштагы фидәкарь хезмәтләре өчен "Хезмәт ветераны" исеме бирелә, исеме мактау тактасында тора.

АРСЛАНОВ ШӘЙМӘРДӘН ШӘЙСОЛТАН УЛЫ

Арсланов Шәймәрдән Шәйсолтан улы

АРСЛАНОВ ӘХТӘМ АРСЛАНГАЛИ УЛЫ

1925 елның 15 апрелендә Кәзкәй авылында туган, шунда яши. 1943 елның 8 гыйнварында 17 яшьлек егет яу кырына озтатыла. Брянск һәм Калинин юнәлешендәге сугышларда катнаша. 136 нче укчы полкта хезмәт итә. Үзенә билгеләнгән йокләмәне үтәгән вакытта 1944- елның сентябрь аенда каты яраланып, III төркем инвалид булып, октябрь аенда туган авылына кайта. Сугышчан батырлыклары өчен II дәрәҗә "Бөек Ватан сугышы" ордены, медальләр белән бүләкләнә. рядовой солдат Җиңү көнен авылында каршылый.

АРСЛАНОВА СӘВИЯ ГАЛИМУЛЛА КЫЗЫ

1931 елның 28 мартында Кукмара районының Яңа Сәрдек авылында туа. Хезмәт юлын 1955 елда Кукмара кирпич заводында тюрле эшче булып башлап җибәрә. 1959 елда Камчаткада СМУ-2 гә дуртенче разрядлы штукатур булып эшкә урнаша. 1964 елда Саба авылына күченеп кайта, ПМК-159 да штукатур булып хезмәт юлын дәвам итә. 1977 елларда автотранспорт предприятиесендә өлкән кассир булып эшли. Тырышып эшләгәне өчен Савия Галимулла кызына 1977 елда "Ударник коммунистического дигән исем бирелә. Шулай ук ул юбилей медальләре һәм истәлек билгесе белән бүләкләнгән: