Расположен на северо-западе Республики Татарстан, граничит с Арским и Высокогорским районами РТ и Моркинским районом Республики Марий Эл. Территория района составляет 681,4 кв.км. Население района составляет 13295 человек.
Әйшияз авылында яшәүче Нәкыя апа Кадыйрова 90 яшьлек юбилеен каршы алды. Тормышта бик күпне күргән, бик күп кичергән Нәкыя апа. Җәмәгате белән якты хыялларга төренеп, киләчәккә матур планнар төзеп 4 балага гомер бүләк итәләр алар. Динә, Ләйлә, Дилбәр исемле кызлардан соң, Надир исемле төпчек уллары дөньяга килә. Гомумән алсак, бик матур гомер итте бу гаилә. Балалар тырышып, әти-әни йөзенә кызыллык китермәслек итеп укыдылар. Гарифҗан абый һәм Нәкыя апа тирә-яктагылар сокланырлык итеп эшләделәр.
2 февраль - Сталинград сугышында совет гаскәрләре тарафыннан немец-фашист гаскәрләрен тар-мар итү көне. «МГЕР»ның Әтнә җирле бүлекчәсендә «Сталинград - Җиңү пароле» дигән батырлык дәресе үтте. «Син хәтердә һәм йөрәктә, Сталинград!» дигән китап күргәзмәсе оештырылды. Чараның максаты – яшьләрне Сталинград сугышы белән таныштыру, ватанпәрвәрлек, үз илебез тарихына хөрмәт тәрбияләү. Шулай ук Әтнә үзәк балалар китапханәсендә патриотик акция узды. Бу акция кысаларында Сталинград сугышы хронологиясе язылган буклетлар таратылды.
Татарстан Республикасы Премьер-министры урынбасары Васил Шайхразыев һәм районыбыз башлыгы Габделәхәт Хәкимов тыл ветераны Хәдия апа Гатауллинага Бөек җиңүнең 80 еллыгы уңаеннан медаль тапшырды. Васил Шайхразыев Хәдия апаның хәлләрен сорашты. Хәдия апа һәркемгә үзенең изге теләкләрен, рәхмәтләрен җиткерде. "Шундый матур тормышта яшибез, өйләребезгә газ-су кергән, урамнарыбызда асфальт, тормышыбыз бик матур, бик рәхәт. Илләребез тыныч булсын, мине зурлап, хөрмәтләп килгәнегез өчен исән-имин эшләгез", - диде.
Сибгат Хәким музеенда Күлле Киме мәктәбенең башлангыч сыйныф укучылары өчен “Герой шәһәрләр” дип исемләнгән дәрес үткәрелде. Презентация ярдәмендә шул шәһәрләрдә барган сугыш вакыйгалары, андагы халыкның фидакарьлеге, батырлыгы турында сөйләнелде.
Ватанны саклаучылар елы, Бөек Ватан сугышында җиңүгә 80 тулу уңаеннан Шиһабетдин Мәрҗани музеенда Комыргуҗа урта гомуми белем мәктәбенең 5-6 сыйныф укучылары өчен Ленинград блокадасын өзү көненә багышланган батырлык дәресе үткәрелде. Укучылар камалышта калган шәһәрнең ничек батырларча көрәшүен, анда яшәүчеләрнең патриотизм, ныклык һәм батырлык үрнәге булганнарын белделәр, ленинградлыларның авыр тормышын күрсәткән видеоролик карадылар.
1945 елның январенда совет гаскәрләре нацистлар тарафыннан Европа еврейларын юкка чыгару өчен оештырылган Освенцим лагерендагы тоткыннарны азат итәләр.1100000 кеше корбан була. БМО 27 январьне Холокост корбаннарын Халыкара искә алу көне дип игълан итте. Сибгат Хаким музеенда шул көнгә багышлап тарихи дәрес үткәрелде.
Җиңүнең 80 еллыгы уңаеннан Сибгат Хаким музеенда Кулле Киме мәктәбе укучылары өчен “125 грамм икмәк” исеме белән музей дәресе узды. 875 көнгә сузылган блокада чоры, халкының героик батырлыгы турында сөйләгәннән соң “Ленинград блокадасы” документаль филҗмы күрсәтелде. Блокада чорын чагылдырган китаплар һәм фотолардан вакытлы күргәзмә куелды.
2025 ел Россиядә һәм Татарстанда Ватанны саклаучылар елы дип игълан ителде. Шул уңайдан һәм Бөек җиңүнең 80 еллыгына багышлап Әтнә районында Ватанны саклаучылар елын ачу тантанасы булды.
Сибгат Хәким исемендәге Күлле Киме мәктәбендә рус теле һәм әдәбияты кысаларында Бөек Җиңүнең 80 еллыгы уңаеннан «Стихи, опаленные войной» дип исемләнгән кичә булды. Чара Бөек Ватан сугышы турында җырлар, шигырьләр, сөйләүләр белән үрелеп барды.
“Өшегән бәрәңге күмәче пешереп ашадык” Бөек Ватан сугышы чорында иң тәмле ризыкларның берсе була ул...
