Тукаевский район

22 нче июнь илебездә Хәтер көне буларак билгеләп үтелә. Шул уңайдан Яңа Бүләк авылы китапхәнәсендә СДК хезмәткәрләре белән берлектә «Югалттык күпләрне, онытмыйк үткәнне» дип аталган очрашу кичәсе узды. Чарага сугыш чоры балалары, тыл ветераннары, мәктәп яны лагеры укучылары чакырылды. Чара ветераннар хөрмәтенә куелган обелеск янында башланып китте. Гимазетдинова Дилбәр Ватан сугышының башланып китү тарихына тукталып үтте, сугыш китергән афәтләр турында сөйләде. Ул шулай ук сугыш елларында башкарган хезмәтләре өчен ветераннарга рәхмәтен белдерде, аларга багышлап шигырьләр укыды.

22 июнь көнне Ташкичү авыл китапханәсендә “Канлы тарих эзләреннән”, дип исемләнгән балалар белән әңгәмә үткәрелде. Китапханә мөдире Светлана Мухаметнабиева балалар белән бергә: сугыш ничек башлаган, Ташкичү халкы ничә кешене сугышка озаткан, авыр 1941-1945 елларында кешеләр ничек яшәгәннәрен искә алдылар. Аеруча, сугыш вакытында яшьләр тормышы темасы кызык булды. Әңгәмәгә балалар үзләре белән Бөек Җинүгә багышланган рәсемнәр алып килделәр. Рәсем конкурсында җинүчеләргә бүләкләр тапшырылды.

Бөек Җиңүнең 70 еллыгын бәйрәм итәргә безне, Мәләкәс авылыннан Александра Исаеваны, Аулаштан Михаил Палладиевны, Яңа поселогыннан Мәдинә Нуруллинаны һәм Бәткедән мине – Ольга Буханованы район социаль яклау бүлеге башлыгы Гөлнара Шәфыйкова һәм медицина хезмәткәре Миләүшә Фәрдиева Казанга озата барды. Картаймыш көнемдә мондый чараларда катнашырмын дип һич кенә дә уйламаган идем! Былтыр Гөлнара Хановна ярдәме белән сәламәтләндерү пансионатында булып кайткан идем, инде быел зур бәйрәм чарасында катнашырга туры килде. Без Муса Җәлил исемендәге Татар опера һәм балет театрына бардык.

Быел Иштирәк авылында яшәүче әтием Шәйхнур Ризатдиновка «Белоруссияне азат иткән өчен» дигән медаль тапшырдылар. Әлеге бүләк аны 70 ел эзләгән... һәм тапкан. Әтинең сөенүенең чиге булмады. Ул мондый бүләккә, әлбәттә, бик лаек. Бүләкнең иясен эзләп табучыларга, мондый изге эшне башкаручыларга бик зур рәхмәт.

8 май көнне сәг.9.00 да Мусабай-Завод мәдәният йорты каршында Бөек Җиңүнең 70 еллыгы уңаеннан митинг булды. Митингка авылыбызның бердәнбер ветераны Минкина Мәрьям Гапдрахман кызы һәм Кызыл-Байрак, Ташкичү һәм Мусабай-Завод авылыннан 11 тыл ветераны килгән иде. Аларга һәм барлык катнашучыларга георгиевская ленталар тагылды. Бәйрәмдә ветераннарны авыл советы җирлеге башлыгы Фәридә Әхмәт кызы, район хакимият башлыгы урынбасары Рубис Лотфуллович котлады, аннары сүз Мусабай-Завод авылы укучыларына бирелде.

8 май көнне сәгать 9.00 Түбән Суык-Су авыл җирлегенә караган барлык авыллардан тыл һәм хезмәт ветераннары авыл уртасына урнашкан һәйкәл янына җыелдылар. Тантананы авыл җирлеге башлыгы Сайфутдинов Наис Миргасимович ачып җибәрде. Сугышта һәлак булганнар һәйкәленә мәктәп укучылары, балалар бакчасы балалары венок һәм чәчәкләр салдылар. Бәйрәмнең икенче өлеше Түбән Суык-Су урта мәктәбендә укучылар тарафыннан әзерләнгән “Ядрәләрне эреткән йөрәкләр” дигән кичә белән дәвам итте.

Боерган авылында Бөек Җиңүнең 70 еллыгын тантаналы төстә бәйрәм итү авыл уртасындагы һәйкәл янында сәгать 10:00 да башланды.

8 май көнне сәгать 9.00 Түбән Суык-Су авыл җирлегенә караган барлык авыллардан тыл һәм хезмәт ветераннары авыл уртасына урнашкан һәйкәл янына җыелдылар. Тантананы авыл җирлеге башлыгы Сайфутдинов Наис Миргасимович ачып җибәрде. Сугышта һәлак булганнар һәйкәленә мәктәп укучылары, балалар бакчасы балалары венок һәм чәчәкләр салдылар. Бәйрәмнең икенче өлеше Түбән Суык-Су урта мәктәбендә укучылар тарафыннан әзерләнгән “Ядрәләрне эреткән йөрәкләр” дигән кичә белән дәвам итте.